19 აპრილის შეთანხმება, როგორც ანულირებული დოკუმენტი, „ლელომაც“ დახურა, – ასე ეხმაურება „ქართული ოცნების“ საზოგადოებასთან ურთიერთობის მდივანი, შალვა პაპუაშვილი მამუკა ხაზარაძის გადაწყვეტილებას პარლამენტის წევრის მანდატის დატოვების შესახებ.
„ხაზგასასმელი და ნიშანდობლივია ის, რომ აქამდე „ლელო“ 19 აპრილის ანულირებულშეთანხმებას ეჭიდებოდა. ამ ნაბიჯით სწორედ 19 აპრილის შეთანხმება დაარღვიეს. როგორც იცით „ლელოს“ სია ჩახსნილი აქვს და მის ნაცვლად ვეღარავინ შემოვა, ერთი დეპუტატით ნაკლები იქნება პარლამენტში რაც დასანანია იმისთვის, რომ მრავალფეროვანი იყოს პარლამენტი. მამუკა ხაზარაძე დააკლდება მის ფრაქციას – ჩვენს ფრაქციას არ დააკლდება“, – განაცხადა შალვა პაპუაშვილმა.
პარტია „ლელოს“ ლიდერმა, მამუკა ხაზარაძემ გუშინდელ აქციაზე განაცხადა, რომ ის პარლამენტს დატოვებს.