საპარლამენტო პოლიტიკური ჯგუფის, „გირჩის“ წევრის, იაგო ხვიჩიას განცხადებით, პოლიტიკური თამაშისთვის ჯობდა, რომ „ნაციონალური მოძრაობა“ ყოფილიყო აქტიური ოპოზიციური პარტია, რომელიც დანარჩენ ოპოზიციასთან კოორდინირებულად გააკეთებდა საქმეს.
მისი თქმით, რასაც უნდა გეგმავდეს სააკაშვილი, მისთვის იმუნიტეტის მქონე შეიარაღებული ხალხი აუცილებელია.
„პოლიტიკური თამაშისთვის ჯობდა, რომ „ნაციონალური მოძრაობა“ ყოფილიყო აქტიური ოპოზიციური პარტია, რომელიც დანარჩენ ოპოზიციასთან კოორდინირებულად გააკეთებდა საქმეს. საჩხუბრად კი არ შემოვიდოდა პარლამენტში, არამედ კონკრეტულ საქმეს გააკეთებდა მისი წევრების კვალიფიკაციის შესაბამისად, მაგრამ ამას არ აკეთებს. რა მიზანიც უნდა ჰქონდეს მიხეილ სააკაშვილს, რევოლუციის ჩათვლით, ამისთვის იმუნიტეტის მქონე და შეიარაღებული ხალხი აუცილებელია და იმუნიტეტი და შეიარაღება არ უნდა ჩააბარებინო ამ ხალხს თუ მართლა სერიოზულად ემზადები ბრძოლისთვის“, – განაცხადა იაგო ხვიჩიამ.