ვისურვებდი, პირებს, ვისაც სოლიდარობა აქვს სააკაშვილის მიმართ, მეტი თანაგრძნობა ჰქონდეს იმ ადამიანების და ოჯახების წინაშე, ვისაც აწამებდა, ვისი სიცოცხლის უფლებაც მოსპო სააკაშვილმა, ამ ყველაფრის შემოქმედი იყო, – ამის შესახებ საპარლამენტო უმრავლესობის წევრმა, რატი იონათამიშვილმა ელენე ხოშტარიას შიმშილობასთან დაკავშირებით განაცხადა.
იონათამიშვილი მიიჩნევს, რომ შიმშილობა, რომლის მიზანიც არის, ადამიანს დანაშაულები შერჩეს, არასწორი გადაწყვეტილებაა.
„ასე რომ, სხვა საკითხები ვფიქრობ, მეორეხარისხოვანია. უბრალოდ ვინც დღეს ცდილობს, იყოს სააკაშვილის სოლიდარული, ნიშნავს, რომ ის ამართლებს და ახალისებს ძალადობას, რომელსაც სააკაშვილის შემოქმედებით სისტემური ხასიათი ჰქონდა. შიმშილობა, რომლის მიზანიც არის, ადამიანს დანაშაულები შერჩეს, ვფიქრობ, არასწორია სახელმწიფოს და სამართლიანი სახელმწიფოსადმი. შესაბამისად, ეს ფორმა, რომელიც აირჩია სააკაშვილმა, გარდა იმისა, რომ არის დესტრუქციული და იმდენად საერთო პროტესტთან არ აქვს, რამდენადაც აქვს საერთო, შერჩეს დანაშაულებები, არის უფრო უპასუხისმგებლო ნაბიჯი და მეტად გამძაფრება იმ დანაშაულებისმ რასაც ის ჩადიოდა საკუთარი მოქალაქეების წინაშე“, – განაცხადა რატი იონათამიშვილმა.