უკრაინის ჯანდაცვის სამინისტროს მონაცემებით, ქვეყანაში კორონავირუსის შემთხვევების რიცხვმა 3 მილიონს გადააჭარბა.
პანდემიის დაწყებიდან დღემდე, უკრაინაში კორონავირუსის 3 006 463 შემთხვევა დადასტურდა, 70 146 ადამიანი ვირუსს ემსხვერპლა, ხოლო 2 479 138 პაციენტი გამოჯანმრთელდა.
გასული დღე-ღამის განმავლობაში, უკრაინაში კორონავირუსის 27 377 ახალი შემთხვევა დადასტურდა, ხოლო 699 ადამიანი გარდაიცვალა.
26 ოქტომბერს, აშშ-ის დაავადებათა კონტროლისა და პრევენციის ცენტრმა (CDC) უკრაინა მოგზაურობისთვის ძალიან მაღალი რისკის ქვეყნების სიაში შეიყვანა.
უკრაინაში კორონავირუსის ახალი ტალღის გავრცელების გამო, აშშ-ის დაავადებათა კონტროლისა და პრევენციის ცენტრმა ქვეყანას საფრთხის უმაღლესი, მეოთხე კატეგორია მიანიჭა.
კომენტარები