“ამ ქვეყანაში ვცხოვრობდი მიხეილ სააკაშვილის დროს და შინაგანი რწმენა მაქვს, რომ ის უდანაშაულო არ არის”

„გირჩის“ წევრი იაგო ხვიჩია მიიჩნევს, რომ მიხეილ სააკაშვილი უდანაშაულო არ არის. თუმცა, ამავდროულად, იაგო ხვიჩია ფიქრობს, რომ მურისიძე-ჩინჩალაძის სასამართლოს არ აქვს უნარი, ასეთი ტიპის დანაშაულებზე ქვეყნის პრეზიდენტი გაასამართლოს.

„ამ ქვეყანაში ვცხოვრობდი მიხეილ სააკაშვილის დროს და შინაგანი რწმენა მაქვს, რომ მიხეილ სააკაშვილი უდანაშაულო არ არის, მაგრამ იმ დანაშაულების გამო, რასაც მას ედავებიან, იმ სასამართლოს იმ გადაწყვეტილების გამო, უბრალოდ არ შეიძლება, ვინმეს დანაშაულობა-უდანაშაულობაზე ვთქვათ, ან მურისიძე-ჩინჩალაძის სასამართლოზე – არ გააჩნია უნარი, ასეთი ტიპის დანაშაულებზე ადამიანი გაასამართლოს, მითუმეტეს ქვეყნის პრეზიდენტი“, – განაცხადა იაგო ხვიჩიამ.