საქმე გვაქვს ან ძალიან არაკომპეტენტურ ადამიანთან, ან ამ შემთხვევაში, მანიპულაციას აქვს ადგილი, – ასე შეაფასა საპარლამენტო უმრავლესობის წევრმა რატი იონათამიშვილმა მამუკა ხაზარაძის გადაწყვეტილება.
„ვფიქრობ, რომ წალენჯიხის ადგილობრივ მოსახლეობას სულაც არ უნდა ახარებდეს ეს იმიტომ, რომ ხაზარაძის საქმიანობა ხშირ შემთხვევაში დაკავშირებულია სწორედ ადამიანების გაღარიბებასა და მათ უბინაოდ დატოვებასთან“, – განაცხადა რატი იონათამიშვილმა.
პარტია „ლელო საქართველოსთვის“ ლიდერმა, მამუკა ხაზარაძემ გუშინ გამართულ აქციაზე განაცხადა, რომ უახლოეს პერიოდში წალენჯიხაში ბინას იყიდის და იქ გადასახლდება, რათა ახალარჩეულ მერს გვერდით დაუდგეს და „წალენჯიხა ოაზისად აქციოს“. ამ მიზნით მან ბიზნესმენებსაც მოუწოდა, მათი კომპანიების ანგარიშები წალენჯიხაში გადაიტანონ და მოგება იქ დატოვონ.
ამასთან, ადგილობრივ ბიუჯეტში არა მოგების, არამედ ქონების გადასახადი შედის.