მე-12 პენიტენციურ დაწესებულებასთან აქციაზე შეუძლოდ გამხდარი ახალგაზრდა კაცი, რომელიც სასწრაფო დახმარების ბრიგადამ რუსთავის კლინიკაში გადაიყვანა უკვე გარდაცვლილი იყო. ამის შესახებ „ქრონიკას“ რუსთავის კლინიკის ექიმმა განუცხადა. მისი ინფორმაციით, უგონო მდგომარეობაში მყოფ კაცს სასწრაფო დახმარების ბრიგადა ფილტვის ვინტილაციას უტარებდა, თუმცა მისი გადარჩენა ვერ მოხერხდა.
რუსთავის კლინიკაში ასევე შეიყვანეს 70 წლის ქალი, რომელიც აქციაზე იმყოფებოდა და გულ-მკერდის დაზიანება მიიღო.
„ჩვენ კლინიკაში სასწრაფო დახმარების ბრიგადების მიერ შემოყვანილია70 წლის ქალი, რომელსაც აღენიშნება გულ-მკერდის ტრავმა და ამ ეტაპზე იმყოფება „ემერჯენსის“ განყოფილებაში. უტარდება კლინიკურ-ლაბორატორიული კვლევები, მის სიცოცხლეს საფრთხე არ ემუქრება და ჯანმრთელობის მდგომარეობა არის საშუალო სიმძიმის. ქალი იმყოფებოდა აქციაზე და როგორც ყვება, მანქანიდან მისთვის საჭირო ნივთებს იღებდა, რა დროსაც საკანალიზაციო ჭაში ჩავარდა“, – აცხადებს ექიმი.