ნამდვილად მძიმე დღეა დღეს და რამდენი წელიც არ უნდა გავიდეს, ეს დღეს არ დაავიწყდება ქართველ ხალხს და ეს შავ ლაქად შევიდა ისტორიაში, – ამის შესახებ „ნაციონალური მოძრაობის“ ხელისუფლების დროს მოკლული ბუტა რობაქიძის დედამ, ია მეტრეველმა განაცხადა.
მისი თქმით, 7 ნოემბერი, სააკაშვილის რეჟიმის ერთ-ერთი საშინელი, ტრაგიკული დღე.
„7 ნოემბერი, სააკაშვილის რეჟიმის ერთ-ერთი საშინელი, ტრაგიკული დღეა, სადაც სასტიკად გაუსწორდნენ თავისივე მოქალაქეებს, რასაც არაერთი ადამიანი შეეწირა. არ შემიძლია არ ვახსენო კობა დავითაშვილი, რომელიც სასტიკი ცემის შემდეგ მალევე გარდაიცვალა. ეს იყო უმძიმესი დღე ჩვენი ქვეყნის ისტორიაში და მარტო ეს დღეა საკმარისი სააკაშვილისთვის, რომ სადაც ახლა ბრძანდება, იქ არის მისი ადგილი. მისი მომხრეები, დღეს რომ კიდევ თავის გამართლება უნდათ და შავზე თეთრს გვიმტკიცებენ, განსაკუთრებული სისასტიკით გამორჩეული ადამიანები არიან, რომლებმაც საშინელება მოუტანეს თავის ერს. ერთხელ და სამუდამოდ უნდა დასრულდეს „ნაციონალური მოძრაობა“. მინდა, ხელისუფლებას მივმართო, აღარ შეიძლება ასე გაგრძელება, აღარ შეიძლება ამათ პროვოკაციების გაძლება და ყველამ პასუხი უნდა აგოს იმაზე, თუ რამე დააშავეს“, – განაცხადა ია მეტრეველმა.