დეპუტატი ელენე ხოშტარია, რომელიც პარლამენტის შენობაში უკვე მეხუთე დღეა შიმშილობს, მამამ მოინახულა. გოგი ხოშტარიას თქმით, მისი შვილი დასუსტებულია, თუმცა ამბობს, რომ საგანგაშო მდგომარეობა არ არის.
“მადლობა ღმერთს, საგანგაშო მდგომარეობა არ არის. რაც შეეხება უნდა გააგრძელოს თუ რა შიმშილობა, ეს არის ხაზგასმულად პიროვნების ამბავი. ჩემი ქალიშვილია გასაგებია, მაგრამ ჯერ ერთი დიდი ხანია უკვე თვითონ იღებს გადაწყვეტილებებს, მითუმეტეს ისეთს, როგორიც არის შიმშილობა. ცხადია, მე მამა ვარ და ბუნებრივია, აბსოლუტურად ძალიან ვღელავ, ჩემზე არ არის დამოკიდებული. მაგრამ ვამაყობ ჩემი ქალიშვილით, ძალიან ვამაყობ“, – თქვა გოგი ხოშტარიამ ჟურნალისტებთან.
ელენე ხოშტარია სოლიდარობას მიხეილ სააკაშვილს უცხადებს და ითხოვს, მესამე პრეზიდენტი სამოქალაქო კლინიკაში გადაიყვანონ.
კომენტარები