“ნაციონალურ მოძრაობაში” სპეციალური ბრიფინგი გაიმართა. პარტიის თავმჯდომარე ნიკა მელიამ განაცხადა, რომ ხელისუფლებისთვის წაყენებული ულტიმატუმის ვადა ამოიწურა.
“საქართველო დგას ისტორიულ გზაჯვარედინზე – დასავლეთი თუ რუსეთი. დასავლური საქართველო ითხოვს სააკაშვილის თავისუფლებას, რუსული საქართველო კი, ვხედავთ, ბედნიერია მისი ტყვეობით და მის სიკვდილს ელოდება!
სწორედ ამიტომ, დიახ, ქვეყნის მესამე პრეზიდენტის გადარჩენაზე დღეს გადის ჩვენი ისტორიული არჩევანის ხაზი“, – განაცხადა ნიკა მელიამ.
მისი თქმით, ოპოზიცია მასშტაბურ საპროტესტო აქციას თბილისში, თავისუფლების მოედანზე ხვალ, 8 ნოემბერს გამართავს. “ნაციონალური მოძრაობა” მხარდამჭერებს შეკრებისკენ მოუწოდებს. დემონსტრაცია 20:00 საათზე დაიწყება.
კომენტარები