პოლიტიკური პარტია „ქართული ოცნების“ თავმჯდომარე ირაკლი კობახიძე აცხადებს, რომ გასულ კვირას მის მიერ გავრცელებულ წერილზე ოპოზციის განცხადებები, რომ თითქოს ქვეყანამ დასავლურ კურსზე უარი თქვა, სპეკულაციაა.
„მთავარი არხის“ დირექტორი ნიკა გვარამია, რომელიც მეორე კაცია „ნაცმოძრაობაში“ პირდაპირ ელჩებს აგინებდა. ევროკავშირისა და ამერიკის ელჩებს ლანძღავდა პირდაპირ ეთერში. ესენი საუბრობენ ახლა სპეკულაციაზე… რაც შეეხება ჩემს გზავნილს, იქ მცირერიცხოვან ჯგუფზე იყო საუბარი. ჩვენი საერთაშორისო პარტნიორების უმრავლესობა ყველაფერს ხედავენ და ყველაფერს სათანადოდ აფასებენ, მათ შორის სააკაშვილის წარსულს, აწმყოსა და მომავალს. არის მცირერიცხოვანი ჯგუფი ლობისტების, რომელსაც მიეკუთვნება ეს ერთ-ერთი ევროპარლამენტარი, რომელიც საქართველოში იყო ჩამოსული. ისინი არიან დიდი ხნის ლობისტები კრიმინალური პოლიტიკური ძალის. რომლებიც სამწუხაროდ იზიარებენ პასუხისმგებლობას იმ დანაშაულზე რომელიც ჩადენილი იყო 2012 წლამდე. თან საუბარია რა დანაშაულზე – ესაა წამება, არაადამიანური მოპყრობა, ტერიტორიების ჩაბარება და ა.შ. რა თქმა უნდა თუ ისინი განაგრძობენ ასეთ საქმიანობას, ჩვენ მოგვიწევს მათ უწოდოთ კრიმინალების მფარველები“, – განაცხადა კობახიძემ. .