ოპოზიციონერი დეპუტატი, „მოქალაქეების“ ლიდერი ალეკო ელისაშვილი მიიჩნევს, რომ „ნაციონალური მოძრაობის“ მიერ ორგანიზებული საპროტესტო აქციები უშედეგო აღმოჩნდება.
„ვინმე მეტყვის, რას ითხოვს „ნაციონალური მოძრაობა“? მიხეილ სააკაშვილის მრავალპროფილურ სამოქალაქო კლინიკაში გადაყვანას? როგორ შეიძლება, რომ ეს მთავარი პოლიტიკური მოთხოვნა იყოს? ეს აბსოლუტურად გაუგებარია და ზუსტად ვიცი, რითაც დამთავრდება ეს აქციები – არაფრით“, – აცხადებს ელისაშვილი.
„ნაციონალური მოძრაობის“ დღევანდელმა საპროტესტო აქციამ პარტიის თავმჯდომარის გარეშე ჩაიარა. ნიკა მელიას დღეს საპროტესტო აქტივობებში მონაწილეობა არ მიუღია. პარტიის აქტივისტებმა ჯერ მსვლელობა მოაწყვეს, შემდეგ კი მანქანებში ჩასხდნენ და თბილისში მოძრავ ავტომობილებს შეერივნენ.
კომენტარები