როგორც ოდესის ოლქის ექს-გუბერნატორმა მიხეილ სააკაშვილმა კიევში გამართულ ბრიფინგზე განაცხადა, მის მიზანს ვადამდელი საპარლამენტო არჩევნების დანიშვნა წარმოადგენს. ახალი პოლიტიკური ძალა უკრაინის პოლიტიკურ ელიტას დაამარცხებს მშვიდობიანი გზით.
“ჩვენს მიზანს წარმოადგენს ვადამდელი არჩევნები უმოკლეს ვადებში… მე მჯერა, რომ ჩვენ გავიმარჯვებთ ამ ომში და მშვიდობას დავამყარებთ. ჩვენ ვქმნით ახალ, ფართო პოლიტკურ ძალას. ჩვენ მიზანს ე.წ. ელიტების შეცვლა წარმოადგენს, რომლებიც სინამდვილეში “ბარიგები” არიან, რომლებიც მთავრობას და პარლამენტს აკონტროლებენ. ჩვენ არ მივიღებთ არავის, ვინც პარლამენტში ერთ ვადაზე მეტჯერ იყო, ვინც სახელმწიფო სამსახურში ორ წელზე მეტ ხანს იმყოფებოდა, არ იქნებიან ბიზნესმენებიც”, – აღნიშნა მიხეილ სააკაშვილმა.
მისივე ცნობით, თავის დროზე უკრაინის პრეზიდენტი პეტრო პოროშენკო მას უკრაინის პრემიერ-მინისტრის პოსტს სთავაზობდა. თუმცა, სააკაშვილმა ამ წინადადებაზე უარი თქვა.
მიხეილ სააკაშვილმა ოდესის ოლქის გუბერნატორის პოსტის დატოვების შესახებ 7 ნოემბერს განაცხადა.
მიხეილ სააკაშვილის ოდესის საოლქო ადმინისტრაციის თავმჯდომარის პოსტს 2015 წლის 30 მაისიდან იკავებდა.