გერმანიის კანცლერმა, ანგელა მერკელმა განაცხადა, რომ კორონავირუსის შემთხვევების ბოლოდროინდელი ზრდა ყველაზე უარესია, რაც კი აქამდე გერმანიაში პანდემიის დროს დაფიქსირებულა.
გერმანიის კანცლერის თქმით, კორონავირუსთან დაკავშირებული სიტუაცია უაღრესად დრამატულია, ხოლო საავადმყოფოები მალე გადაიტვირთება, თუ ვირუსის მეოთხე ტალღას არ შეაჩერებენ.
მისი თქმით, როგორც ჩანს, ბევრ მოქალაქეს არ ესმის სიტუაციის სიმძიმე და მიუხედავად იმისა, რომ უფრო მეტი ადამიანის აცრაა საჭირო, ეს თავისთავად საკმარისი არ იქნება.
ანგელა მერკელმა გერმანიის რეგიონებს მოუწოდა, უკვე მიმდინარე კვირას გაამკაცრონ შეზღუდვები.
ბოლო 24 საათში გერმანიაში კორონავირუსის 30 643 ახალი შემთხვევა დადასტურდა, ხოლო 62 პაციენტი გარდაიცვალა.
კომენტარები