ჩეხეთში პარასკევიდან 30-დღიანი საგანგებო მდგომარეობა შევა ძალაში, “ევრონიუსის” ინფორმაციით, ქვეყანაში ინფიცირების მაჩვენებელი რეკორდულად იმატებს.
მთავრობის ანტიკოვიდური ღობისძიებების ფარგლებში, საშობაო ბაზრობები ქვეყნის მასშტაბით იკრძალება, მოსახლეობას საჯარო სივრცეებში ალკოჰოლის სმა აეკრძალება. ბარები, რესტორნები, ღამის კლუბები, დისკოთეკები და კაზინოები ღამის10 საათზე დაიხურება.
კულტურულ და სპორტულ ღონისძიებებს 1000 ადამიანზე მეტი არ დაესწრება, ყველა მათგანი უნდა იყოს ვაქცინირებული, ან კოვიდგადატანილი. ყველა სხვა საჯარო ღონისძიების სტუმრების რაოდენობა1000-დან 100-მდე შემცირდება.
პრემიერ–მინისტრის, ანდრეი ბაბისის თქმით, მთავრობა მსჯელობს ადამიანთა გარკვეული ჯგუფების სავალდებულო აცრაზეც, მათ შორის – ასაკოვანი მოსახლეობის, ჯარისკაცებისა დაპოლიციის.
კორონავირუსის წინააღმდეგ ჩეხეთის მოსახლეობის მხოლოდ 58%-ია აცრილი.