აშშ-ის პრეზიდენტი ჯო ბაიდენი უახლოეს მომავალში რუსეთისა და უკრიანის ლიდერებთან სატელეფონო საუბარს გეგმავს. ამის შესახებ განცხადება ჯო ბაიდენმა ჟურნალისტებთან საუბრისას გააკეთა.
მისი თქმით, აშშ-ის მხარს უჭერს უკრაინის ტერიტორიულ მთლიანობას.
როგორც ბაიდენმა ჟურნალისტებთან განაცხადა, აშშ უკრაინის საზღვრებთან რუსეთის შეიარაღებული ძალების მობილიზაციის გამო შეშფოთებას არ მალავს.
აშშ-ის პრეზიდენტის თქმით, ის ვლადიმერ პუტინთან და ვლადიმირ ზელენსკისთან საუბარს აპირებს.
შეგახსენებთ, რომ მანამდე უკრაინის საზღვართან არსებული ვითარების გამო შეშფოთება გამოთქვა ნატო-ს გენერალურმა მდივანმა, იენს სტოლტენბერგმა.
კომენტარები