ამსტერდამის აეროპორტში, სამხრეთ აფრიკის რესპუბლიკიდან ჩაფრენილ 2 ავიარეისზე 61 ადამიანს კორონავირუსი დაუდასტურდა, – ამის შესახებ BBC წერს.
ნიდერლანდური ავიაკომპანია KLM-ის ერთი თვითმფრინავი აეროპორტში ადგილობრივი დროით 10:30 საათზე დაეშვა, მეორე კი – 11:00 საათზე. კოვიდინფიცირებულებიაეროპორტთან ახლოს მდებარე სასტუმროში, იზოლაციაში გადაიყვანეს.
ცნობილია, რომ ვიდრე 61 ადამიანს ვირუსი დაუდგინდებოდა, რამდენიმე საათის განმავლობაში, აეროპორტში, 500-ზე მეტ ადამიანთან ერთად, ერთ სივრცეში იყვნენ.
ტესტირებები გრძელდება იმის დასადგენად, არის თუ არა მგზავრთა შორის ვინმე კორონავირუსის ახალი ვარიანტით – „ომიკრონით“ ინფიცირებული.
კომენტარები