ახალი ზელანდიის პარლამენტის წევრი ჯული ენ გენტრი სამშობიაროდ ველოსიპედით მივიდა. ამის შესახებ CNN-ი იტყობინება.
ტელეარხის ცნობით, ქალს მშობიარობა დაეწყო და კლინიკაში წასვლა გადაწყვიტა, თუმცა „მწვანეთა პარტიის“ წევრი ველოსიპედით გადაადგილდება და ტრანსპორტის საყვარელ საშუალებას არც ახლა უღალატა. კლინიკაში მისვლიდან ერთ საათში იმშობიარა.
„დიდი ამბავი გვაქვს. 3:04 საათზე ჩვენი ოჯახის ახალ წევრს შევეგებეთ. გულწრფელად ვიტყვი, სამშობიაროში ველოსიპედით მისვლას არ ვგეგმავდი, მაგრამ ასე მოხდა“, – დაწერა მოგვიანებით გენტერმა Facebook-ზე.
ადგილობრივი მედიის ცნობით, გენტერი სამშობიაროში ველოსიპედით 2018 წელსაც მივიდა, როცა თავის პირველ შვილს აჩენდა.
კომენტარები