გერმანიაში, ანგელა მერკელის გაცილების ცერემონია გაიმართა. 16-წლიანი მმართველობის შემდეგ, გერმანიის კანცლერი მაღალი დონის სამხედრო ცერემონიის თანხლებით გააცილეს.
ანგელა მერკელმა მადლობა გადაუხადა გერმანელებს და მათ მოუწოდა, ოპტიმისტურად იყვნენ განწყობილნი გერმანიის მომავლის მიმართ.
„გერმანიის კანცლერობის 16 წელი სავსე იყო მოვლენებით, ხშირად ძალიან რთული მოვლენებით, როგორც პოლიტიკურად, ასევე ადამიანურად“, – განაცხადა ანგელა მერკელმა.
ანგელა მერკელმა ასევე აღნიშნა, რომ პანდემიის ბოლო ორმა წელმა ცხადყო, თუ რამდენად მნიშვნელოვანია ნდობა პოლიტიკური ლიდერების, მეცნიერებისა და საჯარო დისკურსის მიმართ.
8 დეკემბერს, ბუნდესტაგი გერმანიის კანცლერის თანამდებობაზე ოლაფ შოლცის კანდიდატურას კენჭს უყრის.
კომენტარები