ესპანეთის ვაქცინაციის ცენტრებში იმუნიზაციის მსურველთა რიგებია, რაც მთავრობის მიერ ამოქმედებულ კოვიდშეზღუდვებს უკავშირდება.
როგორც ცნობილია, წინასაშობაო პერიოდში ესპანეთის მთავრობამ ქვეყნის რამდენიმე რეგიონში კოვიდშეზღუდვები გაამკაცრა, რომელიც პირდაპირ უკავშირდება არავაქცინირებული პირების რაოდენობის შემცირებას.
ძალაში ასევე რჩება ე.წ. მწვანე პასპორტების პრაქტიკა. არავაქცინირებულ პირებს თითქმის ყველა დაწესებულებაში შესვლა ეკრძალებათ, რაც შობის სადღესასწაულო ღონისძიებებსაც შეეხება.
ქვეყნის მთავრობის განცხადებით, არსებული შეზღუდვების ფონზე, მიზანმიმართული ვაქცინაციის კამპანიის წყალობით, ქვეყანაში დამატებით ვაქცინაცია 200 ათასმა ადამიანმა ჩაიტარა.
შეგახსენებთ, რომ ესპანეთის მოსახლეობის 80% სრულადაა ვაქცინირებული, თუმცა „ომიკრონის“ შტამის აღმოჩენის შემდეგ მაინც ამოქმედდა ახალი შეზღუდვები.