ნატოს გენერალურმა მდივანმა, იენს სტოლტენბერგმა და საფრანგეთის საგარეო საქმეთა მინისტრმა, ჟან-ივ ლე დრიანმა უკრაინაში და მის გარშემო რუსეთის სამხედრო აქტიურობა განიხილეს.
„ეს დაძაბულობას ზრდის და ევროპაში უსაფრთხოებას ძირს უთხრის. რუსეთმა დაძაბულობა უნდა შეამციროს, პატივი სცეს უკრაინის სუვერენიტეტსა და ტერიტორიულ მთლიანობას და დიპლომატიას დაუბრუნდეს. ეს კრიზისი პოლიტიკურ და დიპლომატიურ გადაწყვეტას მოითხოვს. ასე რომ, ჩვენ მივესალმებით პრეზიდენტ ბაიდენსა და პრეზიდენტ პუტინს შორის დიალოგს, ასევე ნორმანდიის ფორმატში ახალი შეხვედრის მოწვევის ძალისხმევას, რადგან დიალოგი კიდევ უფრო მნიშვნელოვანია, როდესაც დაძაბულობა მაღალია“, – აღნიშნა ნატოს გენერალურმა მდივანმა.
კომენტარები