„ომიკრონთან“ დაკავშირებული საერთო რისკი კვლავ მაღალია. ამის შესახებ ჯანდაცვის მსოფლიო ორგანიზაციაში აცხადებენ.
„რიგი მიზეზების გამო, „ომიკრინის“ ახალ ვარიანტთან დაკავშირებული საერთო რისკი ძალიან მაღალი რჩება. კორონავირუსის გლობალური რისკი მთლიანობაში ძალიან მაღალი რჩება და წინასწარი მტკიცებულებები პოტენციურ ჰუმორალურ იმუნურ გარღვევასა და გადაცემის მაღალ მაჩვენებლებს ცხადყოფს, რამაც შეიძლება გამოიწვიოს შემთხვევების შემდგომი მატება მძიმე შედეგებით. რისკის შეფასება განახლდება, როგორც კი მეტი ინფორმაცია გახდება ხელმისაწვდომი“, – ნათქვამია განცხადებაში.
ჯანდაცვის მსოფლიო ორგანიზაციაში აღნიშნავენ, რომ „ომიკრონის“ საერთო საფრთხე სამ ძირითად ფაქტორზეა დამოკიდებული:
- რამდენად გადამდებია აღნიშნული ვარიანტი
- რამდენად კარგ დაცვას უზრუნველყოფენ ვაქცინები და გადატანილი ინფექცია ინფექციისგან, გადაცემისგან, კლინიკური დაავადებებისა და სიკვდილისგან
- რამდენად გადამდებია „ომიკრონი“ სხვა ვარიანტებთან შედარებით
„ომიკრონი“ უფრო სწრაფად ვრცელდება, ვიდრე „დელტა“ ვარიანტი სამხრეთ აფრიკაში, სადაც „დელტა“ ვარიანტის ცირკულაცია დაბალი იყო, მაგრამ ასევე, როგორც ჩანს, უფრო სწრაფად ვრცელდება, ვიდრე „დელტა“ ვარიანტი სხვა ქვეყნებში, სადაც „დელტა“ შტამის გავრცელება მაღალია, მაგალითად, გაერთიანებულ სამეფოში“, – ნათქვამია განცხადებაში, რომელიც წინასწარ მონაცემებს ეყრდნობა.