კალიფორნიის შტატში, ადგილობრივი ხელისუფლების გადაწყვეტილებით, დახურულ სივრცეებში პირბადის ტარება კვლავ სავალდებულო გახდება.
შტატის ადგილობრივი ხელისუფლების წარმომადგენელმა გადაწყვეტილების შესახებ განცხადება უკვე გააკეთა და აღნიშნა, რომ ახალი რეგულაცია კოვიდ19-ის სწრაფი გავრცელების წინააღმდეგაა მიმართული. „ჩვენთვის ცნობილია, რომ მოქალაქეები დაიღალნენ და ნორმალური ცხოვრება სურთ.
მართალი გითხრათ, მეც იგივეს ვგრძნობ“, – აღნიშნა შტატის ჯანდაცვის სერვისების სააგენტოს მდივანმა, მარკ გალიმ, თუმცა იქვე აღნიშნა, რომ ახალი რეგულაციები მოსახლეობის უსაფრთხოების უზრუნველსაყოფისკენაა მიმართული. შეგახსენებთ, რომ ამერიკის შეერთებულ შტატებში, კალიფორნიის შტატი იმუნიზაციის ერთ-ერთი ყველაზე დაბალი მაჩვენებლით გამოირჩევა, სადაც შტატის მოსახლეობის მხოლოდ 47 პროცენტია ვაქცინირებული, ხოლო ინფიცირების მაჩვენებელი რეკორდულ ნიშნულზეა.
არსებული მონაცემებით, შტატში ყოველ 100 ათას მოსახლეზე ინფიცირების 14 შემთხვევა ფიქსირდება.