„ჩრდილოეთ კორეაში მოსახლეობას 11 დღის განმავლობაში სიცილი, საყიდლებზე სიარული და ალკოჰოლური სასმელების დალევა აეკრძალა“, – ამის შესახებ foxnews იუწყება.
აკრძალვის მიზეზი კიმ ჩენ ილის გარდაცვალების 10 წლის იუბილეა.
17 დეკემბერს ათი წელი შესრულდა მას შემდეგ, რაც კიმ ჩენ ილი გარდაიცვალა და ჩრდილოეთ კორეის ახალი ერთპიროვნული ლიდერი მისი შვილი, კიმ ჩენ ინი გახდა.
განსაკუთრებული თარიღის აღსანიშნავად, ამჟამინდელმა ლიდერმა ქვეყანაში 11-დღიანი გლოვა გამოაცხადა.
„წარსულში ბევრი ადამიანი, ვინც გლოვის პერიოდში ნასვამ მდგომარეობაში იყო, დააკავეს. ისინი წაიყვანეს და აღარასოდეს აღარ უნახავთ“, – განაცხადა ჩრდილოეთ კორეის მოქალაქემ.
ჩრდილო კორეელები გლოვის დღეებში დაკრძალვის რიტუალების ჩატარებასა და დაბადების დღის აღნიშვნასაც ვერ შეძლებენ.
კომენტარები