რუსეთის მოქალაქე, რომელიც ვაშავადან ბორისპოლის აეროპორტში ჩაფრინდა, ადგილობრივმა სასაზღვრო კონტროლმა ქვეყანაში არ შეუშვა.
უკრაინის სახელმწიფო საზღვრის დაცვის სამსახური განმარტავს, რომ წარსულში, ქალი ყირიმის ოკუპირებულ ტერიტორიაზეა ნამყოფი, რაც უკრაინის კანონმდებლობის დარღვევაა.
„32 წლის რუსი ქალი უკრაინაში ფილმში მონაწილეობის მიზნით მოდიოდა“, – აღნიშნულია უკრაინის სახელმწიფო საზღვრის დაცვის სამსახურის განცხადებაში.
მსახიობი სხვა რეისით დააბრუნეს უკან. გარდა იმისა, რომ ის ქვეყანაში არ შეუშვეს, უკრაინაში ჩასვლა კიდევ 3 წლით აუკრძალეს.
ოფიციალური უწყების განცხადებაში მსახიობის ვინაობა დაკონკრეტებული არაა.
კომენტარები