რუსი პოლიტიკოსი, ლიბერალ-დემოკრატიული პარტიის თავმჯდომარე ვლადიმირ ჟირინოვსკი კორონავირუსის საწინააღმდეგოდ უკვე მეშვიდედ აიცრა, ინფორმაციას რუსული საინფორმაციო სააგენტოები ავრცელებენ.
“აიცერით, მეგობრებო. ადრე მე უკვე ავიცერი “სპუტნიკ V-ით”, ამჯერად კი ჩუმაკოვის სახელობის ცენტრის “კოვივაკი” გავიკეთე. ეს არის კლასიკური ვაქცინა, ინაქტივირებული ვირუსით, რომელიც გამოცდილია ათწლეულების განმავლობაში. საბოლოო ჯამში, 2020 წლის სექტემბრიდან ეს უკვე მეშვიდე აცრაა ჩემთვის,” – დაწერა ვლადიმირ ჟირინოვსკიმ საკუთარ ტელეგრამის არხზე.
რუსი პოლიტიკოსი აღნიშნავს, რომ კოვიდით აქამდე არ დაინფიცირებულა. ასევე, აღნიშნა, რომ თავს კარგად გრძნობს.
კომენტარები