რუსეთის პრეზიდენტის ვლადიმირ პუტინის ყოველწლიურ პრესკონფერენციაზე მონაწილე ჟურნალისტები დარბაზში შესვლამდე ვერცხლის ნაწილაკებით დაამუშავეს. პრესსპიკერის ელენა კრილოვას განმარტებით, ეს პანდემიასთანდაკავშირებული ერთ-ერთი ზომაა.
“პრესკონფერენციის მომზადებისას ჩვენმა სპეციალისტებმა განსაკუთრებული ყურადღება დაუთმეს სანიტარულ-ეპიდემიოლოგიურ მოთხოვნებს.” – თქვა პრესსპიკერმა.
კრილოვას თქმით, დამონტაჟებულია “უნიკალური დანადგარი, რომელიც პრესკონფერენციაზე შესულ ყველა ჟურნალისტს ვერცხლის ნაწილაკებით დაამუშავებს.
“ეს სრულიად უსაფრთხოა, პირიქით, ვიტყოდი, რომ სასარგებლოც კია.” – თქვა კრილოვამ.
ასევე კორონავირუსისგან “ინდივიდუალური დაცვისთვის” ჟურნალისტებისთვის მომზადებულია “ნანო-ვერცხლის ხსნარით დამუშავებული” ნიღბები. ნიღბები პრესკონფერენციის დარბაზში სკამებზეა დარიგებული.