“ქართული ოცნების” თავმჯდომარე ირაკლი კობახიძე სახელმწიფო ინსპექტორის სამსახურის თანამშრომლებთან დაკავშირებით ახალი ინიციატივით გამოდის.
მისი თქმით, აღნიშნულ წინადადებებში უზრუნველყოფილია სახელმწიფო ინსპექტორის თანამშრომლების ორ ახალ სამსახურში გადაყვანა.
უფრო კონკრეტულად, კობახიძის თქმით, “ქართულ ოცნებას” შემუშავებული აქვს სამართლებრივი ნორმატიული პროექტი, რომლის მიხედვითაც: სამსახურის საგამოძიებო დეპარტამენტის თანამშრომლები ავტომატურად გადაინაცვლებენ ახალ სამსახურში, რომელიც გამოძიების ფუნქციით იქნება დატვირთული.
საჯარო სექტორზე ზედამხედველობის დეპარტამენტს რაც შეეხება, კერძო სექტორზე ზედამხედველობის დეპარტამენტს და სამართალდამცავ ორგანოებზე ზედამხედველობის დეპარტამენტს, ასევე მრჩეველს პერსონალურ მონაცემთა დაცვის საკითხებში – ეს პოზიციები განეკუთვნება პერსონალურ მონაცემთა დაცვას – ამ დეპარტამენტების თანამშრომლები, მრჩევლის სახით, ავტომატურად, უკონკურსოდ იყვნენ წარმოდგენილნი ახალ სამსახურში”,- განაცხადა ირაკლი კობახიძემ.