ჩვენი ქვეყანა გახდება ალიანსის წევრი – ვერც ერთ მესამე ძალას არ აქვს უფლება ამ გადაწყვეტილებას შეეწინააღმდეგოს, – ამის შესახებ თავდაცვისა და უშიშროების კომიტეტის თავმჯდომარის მოადგილე, ვლადიმერ ჩაჩიბაიამ „ქრონიკას“ განუცხადა.
„ნატო-ს პოლიტიკა გააგრძელებს თავის არსებობას გაფართოებასთან დაკავშირებით და ჩვენ როგორც სუვერენული სახელმწიფო, ამ შემთხვევაში დამოუკიდებელ გადაწყვეტილებას ვიღებთ ნატო-ში გაწევრიანებასთან დაკავშირებით და ჩვენ აუცილებლად გავხდებით ამ ალიანსის წევრი. ვერც ერთ მესამე ძალას არ აქვს უფლება შეეწინააღმდეგოს ან ვეტო დაადოს აღნიშნულ გადაწყვეტილებას, რადგან ეს არის დამოუკიდებელი გადაწყვეტილება ნატო-ს წევრი ქვეყნების, რომელიც არ გადაიხედება“, – განაცხადა ვლადიმერ ჩაჩიბაიამ.
ნატო-ს საგარეო საქმეთა მინისტრების შეხვედრის შემდეგ, კიდევ ერთხელ ითქვა, რომ ალიანსის პოზიცია ნატო-ს გაფართოებაზე უცვლელი და მტკიცეა. ნატოს გენერალური მდივნის იენს სტოლტენბერგის განცხადებით, ერთგულები რჩებიან ბუქარესტის სამიტის გადაწყვეტილების და მხარს უჭერენ უკრაინასა და საქართველოს ევროატლანტიკური ინტეგრაციის გზაზე.