“აწი გინდ შემოვიდეს პარლამენტში და გინდ გავიდეს”

საპარლამენტო უმრავლესობის წევრი, პარლამენტის ადამიანის უფლებათა დაცვის კომიტეტის თავმჯდომარე მიხეილ სარჯველაძე აცხადებს, რომ „ლეიბორისტული პარტიის“ ლიდერის, შალვა ნათელაშვილის პარლამენტში შესვლა-არ შესვლის საკითხს არანაირი მნიშვნელობა აღარ აქვს.

„მას შემდეგ, რაც გუშინ შალვა ნათელაშვილის მხრიდან ამომრჩევლის მიმართ შეფასება მოვისმინე, მივცემ თავს უფლებას, ცნობილი ქართული ნაწარმოების პერიფრაზი გავაკეთო – აწი გინდ შემოვიდეს და გინდ გავიდეს, ამას პრაქტიკულად მნიშვნელობა აღარ აქვს“, – აღნიშნა სარჯველაძემ.

შალვა ნათელაშვილი, პარლამენტში შესვლა-არ შესვლის საკითხს, სოციალურ ქსელში გამოკითხვის შედეგებით გადაწყვეტს.