„ნაციონალური მოძრაობა“ არის ყველაზე არასტაბილური პარტია, სადაც არ იციან, რა უნდათ. შესაბამისად, კვირაში ერთხელ იცვლიან პოზიციებს“, – განაცხადა საპარლამენტო უმრავლესობის წევრმა, რატი იონათამიშვილმა, რითაც მიხეილ სააკაშვილის შესახებ პარლამენტში საგამოძიებო კომისიის შექმნის იდეას გამოეხმაურა.
მისი თქმით, თითოეულმა მოქალაქემ იცის, რომ მიხეილ სააკაშვილის, როგორც პატიმრის უფლებები, მაღალი სტანდარტითაა დაცული.
„მიუხედავად იმისა, რომ ისინი ბოლომდე მაინც არ არიან კმაყოფილი მისი ქმედებებით და შინაგანად სურთ, რომ გაემიჯნონ, მაგრამ ამას ვერ ახერხებენ. შესაბამისად, მათი დღის წესრიგი ჩვენთვის არ არის საინტერესო. ჩვენ გვაქვს აქტიური დღის წესრიგი, რადგან ჩვენს ქვეყანაში არის ის არსებითი გამოწვევები, რომელიც დაუყონებლივ საჭიროებს გადაჭრას“, – განაცხადა რატი იონათამიშვილმა.