სირიის ქალაქ ალეპოში სამხედრო მოქმედებების შედეგად, ოთხ დღეში 100 ადამიანი დაიღუპა. გაერო-ს მონაცემებით, მსხვერპლთა შორის არიან მშვიდობიანი მოქალაქეებიც.
უფლებადამცველი ორგანიზაციების მიერ გავრცელებული ინფორმაციით, ალეპოს აღმოსავლეთში 18 სხვადასხვა რაიონი დაბომბეს.
სირიის ავიაციამ სამკვირიანი მოროტორიუმის დასრულების შემდეგ ალეპოში ავიაიერიშები სამი დღის წინ განაახლა.
რუსეთში აცხადებენ, რომ მათი გამანადგურებლები ალეპოს არ ბომბავენ და მხოლოდ იმ ტერიტორიებზე მიაქვთ იერიში, სადაც ე.წ. “ისლამური სახელმწიფოს” წევრები იმყოფებიან.
კომენტარები