“დიმიტრი გუდკოვი პატივს არ სცემს საქართველოს სუვერენიტეტსა და ტერიტორიულ მთლიანობას”

დიმიტრი გუდკოვი, პირველ ყოვლისა, არის კანონის დამრღვევი და პატივის არ სცემს საქართველოს სუვერენიტეტსა და ტერიტორიულ მთლიანობას, ამიტომ, მისი არშემოშვება იყო აბსოლუტურად კანონიერი, – ამის შესახებ საპარლამენტო უმრავლესობის წევრმა, გივი მიქანაძემ განაცხადა.

„2007 წელს დიმიტრი გუდკოვი აფხაზეთის ტერიტორიაზე იმყოფებოდა, ხვდებოდა აფხაზეთის დე ფაქტო ე.წ. პრეზიდენტს და ხელს აწერდა რუსეთის მოქმედი ახალგაზრდული პარტიის სახელით ხელშეკრულებასა და მემორანდუმს სამომავლო თანამშრომლობის შესახებ და თავის ღია მხარდაჭერას გამოხატავდა აფხაზეთის შემდგომი აღიარებისა და დამოუკიდებლობის კუთხით. ეს ყველაფერი მე მგონი ცხადად მიუთითებს იმაზე, რომ ეს ადამიანი არის, პირველ ყოვლისა, კანონის დამრღვევი და პატივის არ სცემს საქართველოს სუვერენიტეტსა და ტერიტორიულ მთლიანობას, ამიტომ, მისი არშემოშვება იყო აბსოლუტურად კანონიერი“, – განაცხადა მიქანაძემ.