ტელეწამყვან შორენა ბეგაშვილის შვილი თურქეთის კლინიკაში რჩება.
როგორც „სარკესთან“ საუბარში „რუსთავი 2“-ის თანამშრომელი, სალომე ლილუაშვილი აღნიშნავს, გოგონას გაუსაძლისი ტკივილები აღარ აწუხებს, თუმცა საბოლოო შედეგებამდე, ოპერაციების შემდეგ, ხანგრძლივი რეაბილიტაციის კურსი გახდება საჭირო.
“ხერხემალზე ოპერაცია რთული და ხანგრძლივი იყო. მდგომარეობა იმაზე მძიმე აღმოჩნდა, ვიდრე ექიმები ელოდნენ. საბოლოო ჯამში, ოპერაცია კარგად დასრულდა, ბავშვს გაუსაძლისი ტკივილები აღარ აქვს. თუმცა, საბოლოო შედეგისთვის ოპერაციების შემდეგ რეაბილიტაციის ხანგრძლივი კურსია საჭირო, ამიტომ, თანხების მობილიზება გრძელდება.
თურქეთის კლინიკაში ერთი ღამის გათენება ძალიან ძვირი, 570 დოლარი ღირს. შორენამ თავისი ნივთები, მათ შორის, ავტომობილი დაალომბარდა. სამწუხაროდ, ასე სწრაფად ვერაფერი გაყიდა.
შორენამ მომწერა, მე აქ ალბათ ცხოვრება მომიწევს და იმდენ ხანს ვიქნები, სანამ ევა ფეხზე არ გაივლისო“, – აღნიშნავს სალომე ლილუაშვილი.
მისივე თქმით, ევა ბარბაქაძის დასახმარებლად ფულის შეგროვება გრძელდება.
“პირველ ოპერაციაზე 35 ათასი დოლარი იყო საჭირო, ფეხზე ოპერაციისთვის 30 ათასი დოლარი, შემდეგ რეაბილიტაციის კურსისთვის ცალკე თანხაა საჭირო. ჯანდაცვის სამინისტრომ 10.000 დოლარი ჩარიცხა, ენერგეტიკის მინისტრმა 10.000 ლარი, ჩვენ ისევ ვაგრძელებთ ფულის შეგროვებას“, – ამბობს სალომე ლილუაშვილი.
დახმარების მსურველებს, შეგახსენებთ სატელეფონო ნომრებსა და საბანკო რეკვიზიტებს:
0901701100 – “მაგთისა” და “ბილაინის” აბონენტებისთვის.
ზარის ღირებულება 1 ლარი.
“საქართველოს ბანკი”:
GE57BG0000000642055200
TBC ბანკი:
GE61TB7723536010100019 (GEL)
GE40TB1123536110100031 (USD)
ბანკი „რესპუბლიკა“:
GE39BR0000010929691997
მიმღები: შორენა ბეგაშვილი