საქართველოს თავისუფალი სტილით მოჭიდავეთა ნაკრებმა ბაქოში დღეს დაწყებულ ჰეიდარ ალიევის სახელობის “ოქროს დიდ პრიზზე” თითო ოქრო-ვერცხლისა და ორი ბრინჯაოს მედალი მოიპოვა.
მძიმე წონაში გამარჯვებული გენო პეტრიაშვილი (125) გახდა, მანამდე კი ვერცხლის მედალი ავთანდილ კენჭაძემ (74) მოიპოვა, ხოლო ბრინჯაოს პრიზიორები გიორგი რევაზიშვილი (61) და დავით მარსაგიშვილი (86) გახდნენ.
საქართველოს 7-კაციანი გუნდიდან ბაქოში წარუმატებლად ოთარ გოგავამ (57), დიმიტრი ბასილაშვილმა (70) და ელიზბარ ოდიკაძემ (97) იასპარეზეს.
აღსანიშნავია, რომ 75 კგ-ში ტურნირის გამარჯვებული აზერბაიჯანის სახელით მოასპარეზე თბილისელი ფალავანი გიორგი ედიშერაშვილი (57) გახდა.
კომენტარები