საქართველოს პროკურატურამ ბრალი წაუყენა კაცს, რომელიც გუშინ, 31 მარტს 8 წლის ბავშვს თბილისის ცენტრში დაეჯახა. ბავშვმა მძიმე დაზიანებები მიიღო.
“შარტავას ქუჩაზე დ.ჯ.-მ, რომელიც „BMW“-ს მარკის ავტომობილს მართავდა, გადააჭარბა კანონით განსაზღვრულ მაქსიმალური სიჩქარის ზღვარს, მეორე სამოძრაო ზოლიდან პირველ სამოძრაო ზოლში გადასვლის მანევრი „საგზაო მოძრაობის შესახებ“ საქართველოს კანონის მოთხოვნათა დარღვევით განახორციელა და პირველ სამოძრაო ზოლში მოძრავ ავტომობილს დაეჯახა. შეჯახების შედეგად დ.ჯ.-ს მართვის ქვეშ მყოფმა ავტომანქანამ მართვა დაკარგა, გზის სავალი ნაწილიდან გადავიდა, ტროტუარზე ავარდა და იქვე მდგომ 8 წლის ბავშვს დაეჯახა”, – აცხადებენ პროკურატურაში.
კაცს ბრალი სისხლის სამართლის კოდექსის 276-ე მუხლის მეოთხე ნაწილით დაიწყო. ამ მუხლით ავტომობილის უსაფრთხოების წესების დარღვევისთვის დაკავებულს თავისუფლების აღკვეთით ვადით სამიდან ხუთ წლამდე ემუქრება.