„გამოძიება გულდასმით აგროვებს მტკიცებულებებს უკრაინაში რუსი ოკუპანტების სამხედრო დანაშაულების შესახებ. და არა მხოლოდ უკრაინის სასამართლოებისთვის, არამედ გაეროს მართლმსაჯულების საერთაშორისო სასამართლოსთვისაც. რუსი სამხედროების მიერ ჩადენილ დანაშაულებებზე 5000-ზე მეტი სისხლის სამართლის საქმეა აღძრული“, – აცხადებს უკრაინის ნაციონალური პოლიციის ხელმძღვანელი, იგორ კლიმენტო.
მისივე თქმით, მტერთან თანამშრომლობაში ეჭვმიტანილი 594 პირია დაკავებული.
„ჩვენ განსაკუთრებულ ყურადღებას ვაქცევთ ძარცვის წინააღმდეგ ბრძოლას. უკვე რეგისტრირებულია 1600-ზე მეტი ქონებრივი დანაშაული. არც ერთი ქურდობა და ძარცვა არ დარჩება რეაგირების გარეშე“, – აცხადებს პოლიციის ხელმძღვანელი.
კომენტარები