“ნაციონალური მოძრაობის“ მხარდამჭერების მიერ მომზადებული პეტიცია – პეტიციის მიხედვითაც, მიხეილ სააკაშვილი „ერთიანი ნაციონალური მოძრაობის“ ლიდერად და თავმჯდომარედ უნდა დარჩეს. პარტიის მხარდამჭერი და პოეტი დავით დეფი გოგიბედაშვილი ამბობს, რომ პეტიციას ამ დროისთვის 1500 ხელმომწერი ყავს:
“ჩვენ გვინდა, რომ „ერთიანი ნაციონალური მოძრაობის“ ლიდერად და თავმჯდომარედ დარჩეს მიხეილ სააკაშვილი. ახლა, როდესაც პიროვნება დევნილობაშია და მის მიმართ საკუთარ ქვეყანაში სისხლის სამართლებრივი დევნაა, ვერანაირ აუცილებლობა ვერ ვხედავთ, რომ ის გადააყენონ. 2015 წელს პარტიამ მიიღო დადგენილება, რომ გუნდურად ვთამაშობთ და გადაწყვეტილებას ვიღებთ გუნდურად. ძირითადი პათოსი ამ ამბავში არის ის, რაც გვიწერია გერბზე ძალა ერთობაშია და ამიტომ სხვაგან ნუ ვეძებთ ძალას. თუ გადაწყდება და პარტიას ახალი თავმჯდომარე ეყოლება, ვფიქრობ, ეს იქნება მომავალი თაობისთვის თვალებში ნაცრის შეყრა და ჩემი, როგორც ამომრჩევლის მხრიდან, იქნება სიბილწე, რადგან დადგება დრო და მომავალი თაობა აუცილებლად დასვამს კითხვას, როდესაც საერთო მტერი ყავდა ქვეყანას, რატომ ხდებოდა პარტიის გახლეჩვა, თუ არ შეგეძლოთ შეგენარჩუნებიათ ერთიანობა. მე მაქვს იმედი, რომ ყველა ხელიხელჩკადიბული უნდა დავდგეთ იმაზე მაღლა, ვიდრე, არასდროს”, – განაცხადა გოგიბედაშვილმა.