„მე ვარ „ნაციონალური მოძრაობის“ უპარტიო წევრი. „ნაციონალური მოძრაობა“ ჩემთვის არ არის კონკრეტული ადამინებით დაკომპლექტებული ორგანიზაცია. ეს არის იდეა. ეს ჩემთვის არის ჩემი ქვეყნის სწორი განვითარება, დიდი ქიმია მაქვს ამ იდეის მიმართ. ეს განაპირობებს ჩემს დამოკიდებულებებსაც“,- ამის შესახებ „აიპრესთან“ ინტერვიუში „ნაციონალური მოძრაობის“ ყოფილმა წევრმა, საზოგადოებრივი ორგანიზაცია „სამოქალაქო რეფორმაციის“ დამფუძნებელმა, ანდრო ბარნოვმა განაცხადა.
გთავაზობთ ნაწყვეტს ინტერვიუდან:
თქვენი აზრით, დაბრუნდება „ნაციონალური მოძრაობა“ ხელისუფლებაში?
აუცილებლად. შეუძლებელია, რომ არ დაბრუნდეს. ეს არჩევნები ნამდვილად გაყალბდა. მე ყველაფერი ვიცი. ახლა ძალიან სპეციფიკურ მდგომარეობაში ვარ, რომელშიც არ არის ძალიან ბევრი პოლიტიკოსი. წელიწადზე მეტია, ადამიანებთან მთელი საქართველოს მასშტაბით მაქვს არაპოლიტიკური ურთიერთობები. მე ვიცნობ „ოცნების“ კოორდინატორებს, დამკვირვებლებს. ბევრი ჩემი მეგობარია. იმდენად დეტალური ინფორმაცია მაქვს ამ ხალხისგან, რომ ბევრმა ინატროს. არჩევნები გაყალბდა კატასტროფულად.
www.ipress.ge