უკრაინის ომში ჩეჩნეთიდან 2500-მდე მებრძოლი მონაწილეობდა. მათი მთავარი ამოცანა უკრაინელების დაშინება და გენოციდი იყო. ამის შესახებ უკრაინის დაზვერვის მთავარი სამმართველოს პრესსამსახური წერს.
„კადიროველებმა“ უკრაინის ტერიტორიაზე შესვლა დაიწყეს რუსეთის ფართომასშტაბიანი სამხედრო შეჭრის პირველ დღეებში. შეტევის მეორე ეშელონში ყოფნისას ისინი დაკავებულნი იყვნენ შენობების ჩხრეკით, მძევლებისა და მშვიდობიანი მოსახლეობის დაშინებით, ყაჩაღობითა და ძარცვით“, – წერს პრესსამსახური.
მას შემდეგ, რაც რუსულმა ჯარებმა პირველი ფართომასშტაბიანი დანაკარგები განიცადეს, „კადიროველებს“ დაევალათ შეეჩერებინათ დამპყრობლების უკან დახევა და უნდა დაეხვრიტათ ისინი, ვინც უარს იტყოდა ბრძოლაზე.
„კიევიდან და ჩერნიგოვიდან უკრაინელი ჯარისკაცების მიერ სამარცხვინოდ გაგდებული კადიროვის დაქირავებულები ლუგანსკის და მარიუპოლის მიმართულებით გადავიდნენ, სადაც განაგრძეს ძარცვა და TikTok-ისთვის ვიდეოების გადაღება“, – განაცხადა უკრაინის დაზვერვამ.
ასევე ცნობილია, რომ 2 500 „კადიროველიდა“ 100-მდე დაიღუპა, 300-მდე დაშავდა და 60-ზე მეტი უკრაინიდან გაიქცა.