უკრაინის საგარეო საქმეთა მინისტრი, დმიტრო კულება ამერიკის შეერთებული შტატების სახელმწიფო მდივანს, ენტონი ბლინკენს შეხვდა.
შეხვედრისას უკრაინაში მიმდინარე ვითარება, ასევე, ახალი სამხედრო და ფინანსური დახმარების საკითხები განიხილეს.
“შევხვდი ენტონი ბლინკენს ბერლინში. მეტი იარაღი და სხვა ტიპის დახმარება უკრაინისკენ მომავალ გზაზეა. ჩვენ შევთანხმდით, რომ მჭიდროდ ვითანამშრომლოთ, რათა უკრაინული საკვების ექსპორტმა მომხმარებლამდე მიაღწიოს აფრიკასა და აზიაში. მადლობა მდივან ბლინკენს და აშშ-ს ლიდერობისთვის და ურყევი მხარდაჭერისთვის”, – დაწერა კულებამ Twitter-ზე.
მხარეებმა შეხვედრა ჰამბურგში ჩატარებული დიდი შვიდეულის მოლაპარაკებების შემდეგ გამართეს.
კომენტარები