კონკრეტული თანამდებობის პირებს ვურჩევდი, რომ დოკუმენტებში უფრო საფუძვლიანად ჩაიხედონ, – ასე გამოეხმაურა საპარლამენტო ფრაქცია „ქართული ოცნების“ თავმჯდომარე მამუკა მდინარაძე „რუსთავი 2“-ის ეთერით გასულ ინფორმაციას იმის შესახებ, რომ მერიის თანამშრომლებისთვის ეტიკეტის შემსწავლელი ტრეინინგი ჩატარდება.
მდინარაძის თქმით, ტრეინინგები საჭიროა, მაგრამ კონკრეტულ დეტალებზე ყურადღების გამახვილება აუცილებელია.
„კონკრეტული თანამდებობის პირებს ვურჩევდი, რომ მსგავს დოკუმენტებში უფრო საფუძვლიანად ჩაიხედონ, რომ მსგავსი საკითხები აქტუალური არ გახდეს. ვერ ვიტყვი, რომ ეს ძალიან კარგია. გულწრფელი არ ვიქნები. ჩაიხედონ და ნახონ, თანხები რას ხმარდება“, – განაცხადა მამუკა მდინარაძემ.
კომენტარები