2 დღის წინ ვიდექი ირპინში და ჩემს თავს დავუსვი კითხვა, როგორ შეიძლებოდა ეს მომხდარიყო 21-ე საუკუნეში. ჩვენი მშვიდობიანი ევროპული დღის წესრიგი ერთ დღეში არ დამდგარა თავდაყირა. საგანგაშო სიგნალები 24 თებერვლამდე გაცილებით ადრე იყო და ჩვენ ისინი არასწორად წავიკითხეთ, – ამის შესახებ სლოვაკეთის პრეზიდენტმა, ზუზანა ჩაპუტოვამ განაცხადა.
მისი თქმით, რუსეთის რეჟიმი აწარმოებს ომს დემოკრატიული ღირებულებების წინააღმდეგ.
„ჩვენ ისინი აღვიქვით, როგორც დაუკავშირებელი ეპიზოდები და არა როგორც უფრო დიდი გამოწვევების სიმპტომები. ეს დიდი შეცდომა იყო. ზუსტად 99 დღის წინ, პუტინის ფართომასშტაბიანი შეჭრა უკრაინაში ეჭვს არ ბადებს, რომ რუსეთი არა მხოლოდ ჩვენს აღმოსავლელ მეგობრებს ებრძვის, უკრაინას თავს იმიტომ დაესხნენ, რომ გაბედა, ყოფილიყო პუტინის რუსეთზე განსხვავებული, დემოკრატიისა და კანონის უზენაესობის გაუმჯობესების, კორუფციასთან ბრძოლის გამო.
რუსეთის რეჟიმი აწარმოებს ომს ჩვენი დემოკრატიული ღირებულებების წინააღმდეგ. უკრაინაში რუსეთი შეიჭრა იმის გამო, რომ უკრაინას სურს პუტინის რუსეთისგან განსხვავებული ქვეყანა იყოს. უნდა მარცხი განიცადოს პუტინის იდეამ, რომ დიდ ქვეყნებს შეუძლიათ პატარა სახელმწიფოებზე შეტევა. უკრაინამ უნდა მიიღოს კანდიდატის სტატუსი და დიდი იმედი მაქვს, რომ ივნისის სამიტი ამ გადაწყვეტილებას მიიღებს . უკრაინა ევროპის ნაწილია. ეს არის სტრატეგიული ნაბიჯი , რომელიც ევროპამ უნდა გადადგას. მადრიდის სამიტზე ნატოს ახალი კონცეფციით ალიანსმა ადაპტაცია უნდა მოახდინოს ახალ საფრთხეებთან. ჩვენ ომის და რუსული აგრესიული ქმედებების გამო მშვიდობისთვის უნდა ვიბრძოლოთ. დღეს მიღებული გადაწყვეტილებები განსაზღვრავს ჩვენს ხვალინდელ დღეს“, – განაცხადა ზუზანა ჩაპუტოვამ.
ბრატისლავაში გლობალური უსაფრთხოების ფორუმი გაიხსნა. დაგეგმილია საქართველოს პრემიერ-მინისტრის სიტყვით გამოსვლა. მთავარი თემა, აღმოსავლეთ სამეზობლოში მოკავშირეებთან პარტნიორობის განმტკიცებაა. ირაკლი ღარიბაშვილი ორმხრივ შეხვედრებსაც გამართავს.