თბილისის საკრებულოს დამოუკიდებელი დეპუტატი სოსო მანჯავიძე “აიპრესთან” აცხადებს, რომ ამ დროისთვის ექსპერტიზა უტარდება მშვიდობის ხიდს, რომელიც პასუხი უახლოეს დღეებში იქნება ცნობილი, ის ასევე ამბობს, რომ ხიდის ჩაბარების დროს ყველა ნორმა დარღვეული იყო და არც დოკუმენტაცია მოიპოვება.
” მშვიდობის ხიდის ექსპერტიზა ტარდება, თუ რა უნდა გაუკეთდეს, უახლოეს დღეებში დადგინდება, როდესაც მე სრული ინფორმაცია მექნება, გახდება საჯარო. ამ ხიდზე არ არის ჯერ დოკუმენტაცია წარმოდგენილი, ვერ მოიპოვა დოკუმენტაცია სამსახურმა თუ რა არის, რამდენია გარანტია კონსტრუქციული , მისი მდგრადობა როგორია და ყველა ნორმა დარღვეულია რაც ხიდს სჭირდება ჩაბარებისას”,- განაცხადა სოსო მანჯავიძემ.
იგი “აიპრესთან” საუბრისას მშვიდობის ხიდს ავიამზიდს ადარებს, რადგან ორივე ძალიან ძვირადღირებული სიამოვნებაა, ხიდის შენახვა ყოველ თვიურად 550 ათასი ლარი ჯდება.
“ჩემი პირადი პოზიციაა, რომ ფული განუწყვეტლივ უაზროდ არ უნდა ვხარჯოთ , ამ ხიდს ძალიან სერიოზული მოვლა სჭრდება, ყოველთვიურად 550 ათასი ლარი იხარჯება. საღებავი, შუშა, ძალიან ძვირადღირებული საიმოვნებაა, მე ამ ხიდს ავიამზიდს შევადარებ. თუ გინდა გააღატაკო ქვეყანა უნდა აჩუქო ავიამზიდიო ნათქვამია, რადგან რთული შესანახია. შესწავლა მიმდინარეობს, მე ამას გავასაჯაროებ აუცილებლად”,- განაცხადა სოსო მანჯავიძემ.
www.ipress.ge