უკრაინაში ომის დაწყებიდან დღემდე, 1600-ზე მეტი დაუდგენელი ცხედარია ნაპოვნი, ამასთან, რა ვითარებაა უკრაინის მიერ არაკონტროლირებად ტერიტორიებზე, ცნობილი არ არის, – განაცხადა უკრაინის შინაგან საქმეთა მინისტრის მოადგილემ, კატერინა პავლიჩენკომ Ukrinform-თან ინტერვიუში.
მაგალითის სახით, მან კიევის რეგიონი მოიყვანა, სადაც მშვიდობიანი მოსახლეობის ყველაზე ნაწამები ცხედრებია ნაპოვნი.
“თითოეულ კონკრეტულ შემთხვევაში, ცხედარი გამოიკვლიეს და აგზავნიდნენ ექსპერტიზაზე, დგინდებოდა გარდაცვალების მიზეზი. მაგრამ მინდა, ვთქვა, რომ ყველა შემთხვევაში არ შეიძლება, ჩატარდეს ექსპერტიზა სექსუალურ ძალადობაზე”, – თქვა მან.
პავლიჩენკომ განმარტა, რომ კიევის რეგიონში ძალიან ბევრი მთლიანად დამწვარი ცხედარია.
„ამ მდგომარეობაში ცხედარს ვეღარავითარი ექსპერტიზა ვერ ჩაუტარდება. ჩვენ გვესმის, რომ ოკუპანტები წვავდნენ ცხედრებს სხვა დანაშაულის კვალის დასაფარავად“, – დაასკვნა მან.