„ნაცზონდერმედიების აღვირახსნილი საქმიანობა უმძიმესი პრობლემაა – ყოველდღიურ რეჟიმში, 24/7-ზე აწარმოებენ Fake-ნიუსებს, ადამიანებს ცილს სწამებენ, შეურაცხყოფას აყენებენ. მათი მთელი საქმიანობა ადამიანების დაზაფვრას, ქვეყანაში სოციალურ-პოლიტიკური მდგომარეობის დაძაბვას, ადამიანებზე ფსიქოლოგიურ ზემოქმედებას და, საბოლოო ჯამში, ეს ძალიან ვიწროპარტიულ ამოცანებს ემსახურება“, – ამ სიტყვებით დაიწყო საზოგადოებრივი ორგანიზაცია „აი იას“ თანადამფუძნებელმა ვატო შაქარიშვილმადღევანდელი პრესკონფერენცია.
მისი თქმით, აღნიშნული მედიები, მიზნის მისაღწევად, ნებისმიერ აკრძალულ მეთოდს იყენებენ.
„ისინი არღვევენ არა მხოლოდ მედიასტანდარტებს, არამედ – ყველანაირ დაწერილ თუ დაუწერელ ეთიკურ ნორმებს. რაც ყველაზე მთავარია, ისინი საქართველოს კანონმდებლობასა და ადამიანის ფუნდამენტურ უფლებებს უხეშად არღვევენ, როგორიცაა პირადი ცხოვრების ხელშეუხებლობა. ნოდარ მელაძის „შაბათმა“, რომელიც ცრუ ინფორმაციის გავრცელებით, ცილისწამებითაა ცნობილი და რომელიც ჩვენი საზოგადოებრივი მოძრაობის დამფუძნებლის, გია გაჩეჩილაძის, იგივე „უცნობის“ შესახებ, მისი და მისი ოჯახის დისკრედიტაციის მიზნით, ასევე, თითიდან გამოწოვილ სიუჟეტს ამზადებდა, კიდევ ერთი ეპიზოდი შემოგვთავაზა. მას შემდეგ, რაც ჟურნალისტმა რესპონდენტისგან – გიორგი შარაშიძისგან, შესაბამისი, სასურველი პასუხები ვერ მიიღო და მოისმინა სიმართლე, ფაქტები და არგუმენტები, მან განზრახ თუ გაუაზრებლად, სისხლის სამართლის დანაშაული ჩაიდინა და რესპონდენტს, რომლისთვისაც მთელი ინტერვიუს განმავლობაში ცდილობდა, მიეთითებინა, რომ მის ხელთ არსებულ გარკვეულ დოკუმენტებში, რომელსაც ის საიდუმლო ფაილებს უწოდებდა, იყო გიორგი შარაშიძისა და საქმის სხვა ფიგურანტი ადამიანების პირადი ცხოვრების ამსახველი მასალები. ინტერვიუს განმავლობაში, ის სთხოვდა გორგის, ანუ რესპოდენტს, ჩაეხედა ამ დოკუმენტებში, ენახა, გაცნობოდა და მხოლოდ მას შემდეგ გაეგრძელებინა ჯურნალისტთან საუბარი. ეს მიუთითებს, რომ ხელშეუხებელი ინფორმაციის ნახვის შემდეგ, ცდილობდა, მისგან სასურველი პასუხები მიეღო, ანუ რესპოდენტი დაეშანტაშებინა, რაც უმძიმესი, უბინძურესი დანაშაულია. ეს არახალია და ნაცმედიების – „TV პირველის“, ნოდარ მელაძის დამახასიათებელი ნიშანია, მაგრამ დღეს ჩვენ ამის რეალური ფაქტი გვაქვს. როდესაც ჟურნალისტმა „შეცდომა“ დაუშვა, დანაშაული ჩაიდინა და სხვა ადამიანების პირადი ცხოვრების შემცველი ინფორმაციები გაავრცელა, რესპოდენტთანინტენსიური რეკვა დაიწყო და უხსნიდა, რომ შემთხვევით გადასცა სხვისი პირადი ცხოვრების მასალები და სთხოვდა, რომ ისინი დაებრუნებინა, იმასაც კი სთავაზობდა, რომ თუ ის მის დანაშაულს არ გათქვამდა, სიუჟეტს არ გაუშვებდა. ცხადია, ამაზე უარი მიიღო, რადგან სიუჟეტი თითიდან გამოწოვილი იყო – ამ ოჯახს დასამალი არაფერი ჰქონდა. შესაბამისად, ამაზე უარი განაცხადეს“, – განაცხადა ვატო შაქარიშვილმა.