საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ზურაბ აზარაშვილი საქართველოში ჩინეთის სახალხო რესპუბლიკის ელჩ ჭოუ ციენს შეხვდა, – ამის შესახებ ინფორმაციას დევნილთა, შრომის, ჯანმრთელობისა და სოციალური დაცვის სამინისტრო ავრცელებს.
მათივე ინფორმაციით, მხარეებმა სამედიცინო სფეროში მიმდინარე მოვლენებზე ისაუბრეს. ზურაბ აზარაშვილმა ელჩს საქართველოსთვის გაწეული დახმარებისთვის მადლობა გადაუხადა.
შეხვედრაზე, მხარეებმა, ჯანდაცვისა და საზოგადოებრივი საკითხების მიმართულებით, ერთმანეთს საკუთარი გამოცდილება გაუზიარეს. ასევე განიხილეს სამომავლო თანამშრომლობის საკითხები.
შეხვედრას ელჩის მეორე მდივანი ლი ფვენგი და მესამე მდივანი ჩენ იუძძუნი ესწრებოდნენ.
კომენტარები