ჩვენ აღტაცებული არ ვართ ამ იდეით, მაგრამ კოლეგებს ხელს არ შევუშლით სხდომის მოწვევაში, – ამის შესახებ პარტია „გირჩის“ ერთ-ერთმა ლიდერმა იაგო ხვიჩიამ განაცხადა.
მისი თქმით, მათი პარტიისთვის საინტერესოა პროპორციული არჩევნები ბუნებრივი ბარიერით.
„სხდომის მოწვევა რომ შველოდეს იმ კანონმდებლობის მიღებას, რაზეც არის საუბარი, საკონსტიტუციო ცვლილებების, რა თქმა უნდა, სხდომის მოწვევა არ იქნებოდა პრობლემა. პრობლემა მდგომარეობს „ქართული ოცნების“ ნებაში. ჩვენთვის საინტერესოა პროპორციული არჩევნები ბუნებრივი ბარიერით და მიგვაჩნია, რომ დეპოლარიზაციისკენ მთავარი გზაც ეს არის. ჩემი აზრით, მანამდე რა ცვლილებებიც უნდა იყოს, ეს ამ პროცესის სერიოზულობას ვერ მოიტანს. ამ პროცესის სერიოზულობას მოიტანს საკონსტიტუციო ცვლილებები“, – განაცხადა იაგო ხვიჩიამ.
კომენტარები