“მწერალ ერეკლე საღლიანს ესაჭიროება გადაუდებელი ოპერაცია თურქეთში, რომელიც 25 ათასი დოლარი ჯდება” – ინფორმაციას გვერდი “პოეზიარი-ავტორთა წარმოჩენა” აქვეყნებს და თან ურთავს პოეტის ანგარიშის ნომრებს.
“პოეზიარი-ავტორთა წარმოჩენა” პოეტის ანგარიშის ნომრებს აქვეყნებს. დავუბრუნოთ პოეტს საყვარელი საქმის კეთების უნარი. მას ეს ჰაერივით სჭირდება.
სს თიბისი ბანკი
GE21TB7006674365100002
საქართველოს ბანკი:
GE72BG0000000604807900
მიმღები: ერეკლე საღლიანი
საღლიანის ახლობელი ამბობს, რომ,= ერთი თვის წინ, ერეკლე გამოკვლევების ჩასატარებლად სტამბოლში იმყოფებოდა. თურქმა მედიკოსებმა მას დაუსვეს დიაგნოზი – ტრემორი.
“ეს დაავადება დიაბეტისგან გამომდინარე განუვითარდა. ვინაიდან პარკინსონი არ არის და არის ტრემორი, ოპერაციის შედეგად, ჯანმრთელობის მდგომარეობა გამოსწორდება.
ბოლოს უკვე იმ დონეზე დამძიმდა, რომ ვერც წერს. როგორ წარმოგიდგენიათ, ერეკლე საღლიანი წერას რომ ვერ შეძლებს?! აქამდე ერთ ხელს მეორეს აშველებდა და რაღაც ფორმით მაინც ახერხებდა წერას. უკვე წყლის დალევა და საკვების მიღებაც აღარ შეუძლია დამოუკიდებლად” – ამბობს „პრაიმტაიმთან“ საღლიანის ოჯახის ახლობელი.