ნაძალადევის რაიონში, სანზონის N26 კორპუსის მიმდებარედ გზის შეკეთება დასრულდა. პროექტის ფარგლებში, ასფალტის საფარი 725 კვ.მ ფართობზე დაიგო, ასევე, ამავე კორპუსში არსებული მოძველებული ლიფტი სრულად რეაბილიტირდა და ლითონის ორი კარი დამონტაჟდა.
ბოლო ეტაპის სამუშაოებს ნაძალადევის რაიონის გამგებელი ირაკლი ანდღულაძე თბილისის საკრებულოს მაჟორიტარ დეპუტატ ირაკლი ხელაძესთან ერთად გაეცნო. გამგებელი და საკრებულოს წევრი ადგილობრივ მცხოვრებლებსაც შეხვდნენ.
„სანზონის დასახლებაში კიდევ ერთ მისამართზე მოწესრიგდა კორპუსის ინფრასტრუქტურა. საგზაო სამუშაოებისა და ლიფტის რეაბილიტაციის შედეგად კორპუსის მოსახლეობას არსებული პრობლემები მოუგვარდა“, – განაცხადა ირაკლი ანდღულაძემ.
სარეაბილიტაციო სამუშაოების საერთო ღირებულება 81 240 ლარს შეადგენს. პროექტი ნაძალადევის რაიონის გამგეობის დაფინანსებით განხორციელდა.
ნაძალადევის რაიონში, სანზონის N26 კორპუსის მიმდებარედ გზის შეკეთება დასრულდა
2022/07/21 15:36:45
ნანახია: 161 ჯერ